melhor não prescrição anti-inflamatório http://drogaria.pt/viagra/ número de telefone do chip seguro de saúde
Sunday 13. August 2017, 08:47
Góðan sunnudag kæru ÓB-mótsgestir

Keppni  á lokadegi ÓB-mótsins er hafin og sem fyrr leikur veðrið við okkur.

Það er ýmislegt á dagskrá hjá okkur í dag og upp úr klukkan 12:00 byrjum við að grilla pylsur og bjóða upp á drykki fyrir alla keppendur á mótinu.

Verðlaunaafhending hefst stundvíslega klukkan 13:15 á aðalvellinum og verða keppendur ásamt þjálfara/fararstjóra niðri á vellinum en foreldrar og aðrir stuðningsmenn strákanna verða í stúkunni. Veitt verða verðlaun fyrir efstu þrjú sætin í öllum riðlum í öllum flokkum. Einnig verður veitt viðurkenning KSÍ fyrir heiðarlega framkomu á mótinu.

Minnum félög sem eiga eftir að sækja gjafir að nálgast þær í mótsstjórn.

Saturday 12. August 2017, 18:13
Keppni lokið á laugardegi – Sundlaugarpartý í kvöld

Nú er keppni lokið á laugardegi og öll úrslit komin á vefinn undir hlekknum LEIKIR/ÚRSLIT 2017.

Minnum á að sundlaugarpartýið hefst klukkan 20:00 og fararstjórafundur er í Tíbrá (félagsheimilið þar sem sjoppan er) klukkan 21:00.

Svo viljum við að sjálfsögðu óska strákunum í ÍBV til hamingju með bikarmeistaratitilinn í dag.

Saturday 12. August 2017, 18:07
Liðsmyndataka í stúkunni

Strákarnir frá Sporthero.is eru staddir á ÓB-mótinu og tóku liðsmyndir við stúkuna í dag. Þeir verða aftur á ferðinni á morgun til hádegis.

Við hvetjum öll lið til að fara í myndatöku við stúkuna og smella af góðri mynd og skemmtilegri minningu af mótinu.

Friday 11. August 2017, 19:36
Leikjaplan fyrir laugardag og sunnudag tilbúið

Öll úrslit hraðmótsins í dag eru nú komin á vefinn sem og leikjaplan fyrir laugardag og sunnudag. Ef einhverjar villur eru í úrslitunum biðjum við fólk að hafa samband við þjálfara eða netfangið saevar@ru.is.

Mótið gekk ljómandi vel í dag og voru strákarnir til mikillar fyrirmyndar innan vallar sem utan. Greinilegt að þarna eru á ferðinni flottir strákar sem eiga framtíðina fyrir sér í boltanum.

Minnum á kvöldvökuna í íþróttahúsi Vallaskóla kl. 20 í kvöld og svo hefst mótið aftur kl. 9:00 á morgun með bíósýningu fyrir lið í Alfreðs-deild og Arons-deild. Keppni í knattspyrnu hefst á JÁVERK-vellinum kl. 9:30 hjá liðum í Kolbeins-deildinni og Jóa Berg-deildinni.

Takk fyrir í dag og sjáumst hress á vellinum á morgun!

Friday 11. August 2017, 18:41
Brúarhlaupið á Selfossi

Brúarhlaupið á Selfossi fer fram á morgun, laugardaginn 12. ágúst, á sama tíma og bæjarhátíðin Sumar á Selfossi og ÓB-mótið í knattspyrnu. Hlaupið er í fallegu umhverfi á göngustígum innan bæjarmarka Selfoss og skapast mikil stemning á Selfossi í tengslum við hlaupið.

Brúarhlaupið á fésbókinni

Hvetjum gesti ÓB-mótsins til að reima á sig hlaupaskóna milli leikja og spretta úr spori í Brúarhlaupinu.

Friday 11. August 2017, 18:17
Kvöldvaka ÓB-Mótsins!!

Í kvöld kl 20:00 verður geggjuð kvöldvaka í íþróttahúsinu við Vallaskóla

Úlfur Úlfur mæta á svæðið og keyra stuðið í gang.

Öllum frjálst að láta sjá sig og taka þátt í steminingunni.

Hlökkum til að sjá ykkur !

Friday 11. August 2017, 17:31
ÓB-mótið 2017 er hafið

ÓB-mótið 2017 er hafið og verður leikið fram til kl. 18:00 í dag.

Formið á mótinu er þannig upp sett að við notum leikina í dag til að getuskipta liðunum fyrir riðlakeppni á laugardaginn og sunnudaginn. Þar af leiðandi getum við ekki sett inn leikjaplanið fyrir laugardag og sunnudag fyrr en eftir að leikjunum lýkur í dag. Við munum setja leikjaplanið hér inn á heimasíðuna um leið og það liggur fyrir.Mikilvægt er að þjálfarar renni yfir að öll úrslit hjá sínum liðum hjá mótsstjórn að loknum fyrsta degi til að uppröðun á riðlakeppni sé 100% rétt.

Öll lið í hverjum styrkleika fyrir sig spila leikina á laugardeginum á sama tíma.

Tímasetningar á fyrstu leikjum hjá liðum á laugardaginn
Klukkan 9:30 eru fyrstu leikir í Kolbeins deild og Jóa Berg deild
Klukkan 10:10 eru fyrstu leikir í Eiðs Smára deild og Gylfa Sig. deild
Klukkan 10:50 eru fyrstu leikir í Jóns Daða deild
Klukkan 11.30 eru fyrstu leikir í Alfreðs deild og Arons Einars deild

Friday 11. August 2017, 12:56
ÓB-mótið á fésbókinni

Vekjum athygli á að ÓB-mótið er á fésbókinni.

ÓB-mótið á Selfossi

Friday 11. August 2017, 10:50
Gisting og armbönd

Við viljum vekja athygli á því að allir sem eru með armbönd, bæði leikmenn og liðsstjórar, eru með aðgang að Sundhöll Selfoss meðan mótið er í gangi.

Einnig eru hér fyrir neðan upplýsingar um númer á skólastofum sem félögin koma til með að gista í Vallaskóla sem og upplýsingar um klefa sem félögin nota þegar sundlaugarpartýið fer fram.

Félag Gisting í Vallaskóla Sundlaug klefar
Álftanes Selið Inni kk
Hamar/Hrunamenn Gista ekki Inni kk
Höttur Stofa 17 Inni kk
ÍBV Stofur 24-25 Inni kk
ÍR Stofur 22-23 Inni kvk
Keflavík Stofur 28-29-30 Inni kvk
Kormákur Stofa 21 Inni kvk
Njarðvík Stofa 16 Inni kvk
Reynir Víðir Stofa 19 Inni kvk
Selfoss Gista ekki Úti kvk
Sindri/Neisti Stofa 20 Úti kvk
Skallagrímur Stofa 18 Úti kvk
Valur Stofur 31-32 Úti kk
Þór Stofur 26-27 Úti kk

Wednesday 9. August 2017, 17:48
Leikjaplan fyrir hraðmót 2017

Það styttist í að flautað verði til leiks á ÓB Mótinu 2017 en spilað verður hraðmót á föstudeginum eins og hefð er fyrir á þessu móti.

Leikjaplanið fyrir hraðmótið er klárt og hægt er að skoða það undir linknum: leikir/úrslit 2017 hér að ofan

Úrslit úr hraðmótinu ráð því svo í hvaða riðlum liðin spila á laugardeginum, með þessu fyrirkomulagi vonumst við til þess að fá jafna og skemmtilega leiki.

Leikjaplan – Hraðmót – ÓB Mót 2017

« Prev - Next »