Tuesday 13. August 2019, 17:18
Skemmtilegt myndband frá vel heppnuðu Olísmóti um helgina!

 

Skemmtilegt myndband frá vel heppnuðu Olísmóti um helgina!

Takk fyrir frábært mót og sjáumst á Selfossi að ári.

https://drive.google.com/a/pipar-tbwa.is/file/d/18t2cLABSPg9hVePMxEtaE04RKo9PM_vA/view?usp=drive_web

Sunday 11. August 2019, 15:44
Olísmótinu 2019 er lokið á Selfossi.

Olísmótinu 2019 er lokið á Selfossi. Verðlaunaafhending fer fram á JÁVERK-vellinum þar sem efstu þrjú liðin í hverjum riðli fá verðlaunapeninga.

Eftirtalin lið urðu sigurvegarar í sínum riðli.
A-lið Riðill 1: Keflavík
A-lið Riðill 2: þór
B-lið Riðill 1: Þór
B-lið Riðill 2: ÍBV
C-lið Riðill 1: Álftanes
C-lið Riðill 2: Hamar/Ægir
D-lið Riðill 1: Valur
D-lið Riðill 2: Keflavík 1
Þróttur  fékk háttvísiverðlaun KSÍ heiðarlega framkomu keppenda á mótinu.

Knattspyrnudeild Selfoss vill koma á framfæri þakklæti sínu til keppenda, þjálfara, liðstjóra og foreldra allra liða á mótinu. Strákarnir voru til fyrirmyndar jafnt innan vallar sem utan og verðugir fulltrúar sinna félaga. Takk fyrir þátttökuna.Einnig viljum við koma á framfæri þakklæti til vallarstarfsmanna, dómara, sjálfboðaliða og foreldra á mótinu. Ykkar framlag er ómetanlegt og er ein helsta ástæða þess að við getum haldið mótið með þeim glæsibrag og myndarleika sem raunin er. Takk fyrir aðstoðina.

Allt hjálpast þetta að og eftir situr eftirminnileg helgi á Selfossi þar sem fléttast saman keppni, vinátta og góðar minningar. Einstök úrslit, skot, mörk, sigrar og töp líða hjá en eftir situr minningin um frábært mót.

Við hlökkum til að taka á móti ykkur á Olísmótinu að ári. Sjáumst á Selfossi 7 – 9  ágúst 2020.

Takk fyrir okkur og sjáumst að ári!

Sunday 11. August 2019, 10:17
Keppni á lokadegi Olísmótsins er hafin

Góðan dag
Keppni á lokadegi Olísmótsins er hafin.

Við viljum vekja athygli á að öll úrslit koma á heimasíðu Olismót.is þar má sjá uppfærð úrslit og leiki dagsins í dag og úrslita í riðlum

Leikir/Úrslit 2019

Það er ýmislegt á dagskrá hjá okkur í dag og upp úr klukkan 12:00 byrjum við að grilla pylsur og bjóða upp á drykki fyrir alla keppendur á mótinu.

Verðlaunaafhending hefst stundvíslega klukkan 13:15 á aðalvellinum og verða keppendur ásamt þjálfara/fararstjóra niðri á vellinum en foreldrar og aðrir stuðningsmenn strákanna verða í stúkunni. Veitt verða verðlaun fyrir efstu þrjú sætin í öllum riðlum í öllum flokkum. Einnig verður veitt viðurkenning KSÍ fyrir heiðarlega framkomu á mótinu.

Minnum félög á að sækja gjafir fyrir strákana í mótsstjórn. Vinsamlegast athugið að gjafir eru afhentar hverju félagi í einu lagi.

Góða skemmtun á JÁVERK-vellinum í dag og megi fegurð knattspyrnunnar njóta sín jafnt hjá leikmönnum sem stuðningsmönnum.

Saturday 10. August 2019, 19:03
Úrslit laugardagsins tilbúin

Keppni er lokið í dag og eru öll úrslit komin á vefinn undir hlekknum LEIKIR/ÚRSLIT 2019.
Hlökkum til að sjá ykkur hress og kát í fyrramálið í góða veðrinu.

Saturday 10. August 2019, 16:41
Kvöldvaka

 

Minnum á að kvöldvakan með BMX BRÓS hefst klukkan 19:30 í portinu fyrir utan íþróttahús Vallaskóla (gengið út um inngang við mötuneyti Vallaskóla) og fararstjórafundur er í Tíbrá (félagsheimilið þar sem sjoppan er) strax eftir síðasta leik .

Takk fyrir daginn og sjáumst á JÁVERK-vellinum klukkan 9:00 í fyrramálið.

Saturday 10. August 2019, 10:36
Þá eru leikir í deildum farnir af stað. 

Þá eru leikir í deildum farnir af stað.
Þegar staða í A, B og C deildum er orðin ljós spila tvö efstu liðin í hverjum riðli úrslitaleik upp á fyrsta sætið, liðin í þriðja og fjórða sæti spila upp á þriðja sætið og liðin í 5 sæti spila á milli riðla um 5 sætið. í D liða keppni verður hefðbundið fyrirkomulag þar sem efstu þrjú lið í deildinni fá verðlaun.

Eigum áfram frábæran dag á Selfossvelli

Friday 9. August 2019, 20:24
Leikjaplan fyrir laugardag tilbúið

Öll úrslit hraðmótsins í dag eru nú komin á vefinn sem og leikjaplan fyrir laugardag. Ef einhverjar villur eru í úrslitunum biðjum við fólk að hafa samband við þjálfara eða netfangið knattspyrna@umfs.is.

Tímasetningar á Bíó ferðum:
D-lið kl: 9.00
C-lið kl: 11.05
B-lið kl: 13.10
A-lið kl: 15.15

Mótið gekk ljómandi vel í dag og voru strákarnir til mikillar fyrirmyndar innan vallar sem utan. Greinilegt að þarna eru á ferðinni flottir strákar sem eiga framtíðina fyrir sér í boltanum. Einnig viljum við þakka þjálfurum og foreldrum fyrir afar ánægjulegan dag með okkur á vellinum.

Takk fyrir í dag og sjáumst hress á JÁVERK-vellinum á morgun!

Friday 9. August 2019, 16:14
Olísmótið 2019 byrjað

Nú er Olísmótið hafið og fyrstu úrslit kominn, við reynum að uppfæra úrslit um leið og hver umferð klárast.

Sjá uppfærð úrslit: Olísmót 2019 – Öll úrslit úr hraðmóti

Friday 9. August 2019, 13:39
Gisting liða í skóla og armbönd

Nú fer að veislan að byrja en hraðmótið hefst kl. 14:00

Best væri ef þjálfari/liðstjóri komi í mótsstjórn í Tíbrá og fái armbönd fyrir sitt lið.

Við viljum vekja athygli á því að allir  bæði leikmenn og liðsstjórar eru með aðgang að Sundhöll Selfoss meðan mótið er í gangi.

Einnig eru hér fyrir neðan upplýsingar um númer á skólastofum sem félögin koma til með að gista í Vallaskóla sem og upplýsingar um klefa sem félögin nota þegar sundlaugarpartýið fer fram.

Félag                                                                  Gisting í Vallaskóla                                        Klefar í Sundlaugarpartý
Álftanes Selið KK inni
Grindavík Gista ekki KK úti
Hamar/ Ægir Gista ekki KK úti
ÍBV Nýja stofa KVK inni
KA 17 KK inni
Keflavík 21-31 KVK inni
KFR Gista ekki KVK inni
Njarðvík 25 KK úti
Reynir / Viðir 16 KK úti
Selfoss Gista ekki KK úti
Valur 18-19 KK inni
Þór 28-29-30 KK inni
Þróttur 22-23-24 KK inni

Thursday 8. August 2019, 18:56
Allt að verða klárt fyrir Olísmót

Allt að verða klárt fyrir Olísmót, spilað verður á einum bestu grasvöllum á Íslandi
Kominn er smá breyting á leikjaplani c og d liða

Olísmót 2019_leikjaniðurröðun Hraðmót uppfært

Mynd frá Meistaradeild Olís - Selfossi.

Next »