melhor não prescrição anti-inflamatório http://drogaria.pt/viagra/ número de telefone do chip seguro de saúde
Sunday 12. August 2018, 13:05
Olísmótinu 2018 lokið

Olísmótinu 2018 er lokið á Selfossi. Verðlaunaafhending fer fram á JÁVERK-vellinum þar sem efstu þrjú liðin í hverjum riðli fá verðlaunapeninga.

Eftirtalin lið urðu sigurvegarar í sínum riðli.
A-lið Riðill 1: Valur
A-lið Riðill 2: Keflavík
B-lið Riðill 1: KA
B-lið Riðill 2: Sindri/Neisti
C-lið Riðill 1: Grindavík
C-lið Riðill 2: Grótta
D-lið Riðill 1: KA
D-lið Riðill 2: KFR
Íþróttabandalag Uppsveita fékk háttvísiverðlaun KSÍ heiðarlega framkomu keppenda á mótinu.

Knattspyrnudeild Selfoss vill koma á framfæri þakklæti sínu til keppenda, þjálfara, liðstjóra og foreldra allra liða á mótinu. Strákarnir voru til fyrirmyndar jafnt innan vallar sem utan og verðugir fulltrúar sinna félaga. Takk fyrir þátttökuna.Einnig viljum við koma á framfæri þakklæti til vallarstarfsmanna, dómara, sjálfboðaliða og foreldra á mótinu. Ykkar framlag er ómetanlegt og er ein helsta ástæða þess að við getum haldið mótið með þeim glæsibrag og myndarleika sem raunin er. Takk fyrir aðstoðina.

Allt hjálpast þetta að og eftir situr eftirminnileg helgi á Selfossi þar sem fléttast saman keppni, vinátta og góðar minningar. Einstök úrslit, skot, mörk, sigrar og töp líða hjá en eftir situr minningin um frábært mót.

Við hlökkum til að taka á móti ykkur á Olísmótinu að ári. Sjáumst á Selfossi 9.-11. ágúst 2019.

Takk fyrir okkur og sjáumst að ári!

Sunday 12. August 2018, 08:45
Keppni að hefjast á lokadegi Olísmótsins

Keppni á lokadegi Olísmótsins er að hefjast í þessu líka milda veðri hér á Selfossi.

Við viljum vekja athygli á að eftir að úrslit gærdagsins birtust á vefnum hafa orðið breytingar í riðli eitt hjá B-liðum og riðli eitt hjá C-liðum. Í báðum tilfellum víxluðust úrslit en þau hafa nú verið leiðrétt. Biðjumst við velvirðingar á þessum mistökum.

Það er ýmislegt á dagskrá hjá okkur í dag og upp úr klukkan 12:00 byrjum við að grilla pylsur og bjóða upp á drykki fyrir alla keppendur á mótinu.

Verðlaunaafhending hefst stundvíslega klukkan 13:15 á aðalvellinum og verða keppendur ásamt þjálfara/fararstjóra niðri á vellinum en foreldrar og aðrir stuðningsmenn strákanna verða í stúkunni. Veitt verða verðlaun fyrir efstu þrjú sætin í öllum riðlum í öllum flokkum. Einnig verður veitt viðurkenning KSÍ fyrir heiðarlega framkomu á mótinu.

Minnum félög á að sækja gjafir fyrir strákana í mótsstjórn. Vinsamlegast athugið að gjafir eru afhentar hverju félagi í einu lagi.

Góða skemmtun á JÁVERK-vellinum í dag og megi fegurð knattspyrnunnar njóta sín jafnt hjá leikmönnum sem stuðningsmönnum.

Saturday 11. August 2018, 18:28
Keppni lokið á laugardegi – Kvöldvaka með BMX BRÓS

Keppni er lokið í dag og eru öll úrslit komin á vefinn undir hlekknum LEIKIR/ÚRSLIT 2018.

Minnum á að kvöldvakan með BMX BRÓS hefst klukkan 20:00 í portinu fyrir utan íþróttahús Vallaskóla (gengið út um inngang við mötuneyti Vallaskóla) og fararstjórafundur er í Tíbrá (félagsheimilið þar sem sjoppan er) klukkan 18:30.

Takk fyrir daginn og sjáumst á JÁVERK-vellinum klukkan 9:00 í fyrramálið.

Saturday 11. August 2018, 14:18
Létt spjall með fararstjórum og þjálfurum

Við viljum minna fararstjóra og þjálfara á spjallið okkar í Tíbrá klukkan 18:30 í dag að loknum síðasta leik. Boðið verður upp á léttar veitingar með góðu spjalli.

Saturday 11. August 2018, 06:00
Bestu bílastæðin eru við FSu

Bendum fólki á fullt af góðum bílastæðum við Fjölbrautaskóla Suðurlands (stór gul bygging) sem er við hliðina á gervigrasvellinum. Þaðan er örstutt að labba á keppnisvellina.

Friday 10. August 2018, 19:21
Leikjaplan fyrir laugardag og sunnudag tilbúið

Öll úrslit hraðmótsins í dag eru nú komin á vefinn sem og leikjaplan fyrir laugardag og sunnudag. Ef einhverjar villur eru í úrslitunum biðjum við fólk að hafa samband við þjálfara eða netfangið knattspyrna@umfs.is.

Mótið gekk ljómandi vel í dag og voru strákarnir til mikillar fyrirmyndar innan vallar sem utan. Greinilegt að þarna eru á ferðinni flottir strákar sem eiga framtíðina fyrir sér í boltanum. Einnig viljum við þakka þjálfurum og foreldrum fyrir afar ánægjulegan dag með okkur á vellinum.

Minnum á sundlaugarpartýið í Sundhöll Selfoss kl. 20 í kvöld og svo hefst mótið aftur klukkan 9:00 með keppni hjá D-liðum. Á sama tíma er bíósýning fyrir B-lið. Sjá nánar upplýsingar um bíóferðir.

Takk fyrir í dag og sjáumst hress á JÁVERK-vellinum á morgun!

Friday 10. August 2018, 18:45
Brúarhlaupið á Selfossi

Brúarhlaupið á Selfossi fer fram á morgun, laugardaginn 11. ágúst, á sama tíma og bæjarhátíðin Sumar á Selfossi og Olísmótið í knattspyrnu. Hlaupið er í fallegu umhverfi á göngustígum innan bæjarmarka Selfoss og skapast mikil stemning á Selfossi í tengslum við hlaupið.

Brúarhlaupið á fésbókinni

Hvetjum gesti Olísmótsins til að reima á sig hlaupaskóna milli leikja og spretta úr spori eða hjóla í Brúarhlaupinu.

Friday 10. August 2018, 12:05
Kvöldvakan á laugardaginn!

Kvöldvakan árlega verður haldin í Vallaskóla á laugardaginn kl 20:00

DJ mætir á svæðið og kemur strákunum í gírinn áðuren að hinir geggjuðu BMX-Bros kíkja við og sýna listir sínar

Friday 10. August 2018, 08:32
Olísmótið er á fésbókinni

Vekjum athygli á að Meistaradeild Olís er á fésbókinni.

Meistaradeild Olís á Selfossi

Thursday 9. August 2018, 18:35
Gisting liða í skóla og armbönd

Nú fer að veislan að byrja en hraðmótið hefst kl. 14:00 á morgun, föstudaginn 10. ágúst.

Best væri ef þjálfari/liðstjóri komi í mótsstjórn í Tíbrá og fái armbönd fyrir sitt lið.

Við viljum vekja athygli á því að allir  bæði leikmenn og liðsstjórar eru með aðgang að Sundhöll Selfoss meðan mótið er í gangi.

Einnig eru hér fyrir neðan upplýsingar um númer á skólastofum sem félögin koma til með að gista í Vallaskóla sem og upplýsingar um klefa sem félögin nota þegar sundlaugarpartýið fer fram.

Félag Gisting í Vallaskóla Sundlaug klefar
Álftanes Selið Inni kk
Grotta Stofa 22 Inni kk
Grindavík Stofa 16 Inni kk
Hamar/Ægir Gista ekki Inni kk
Höttur Gista ekki Inni kk
ÍBV Stofur 28-29 Inni kk
ÍR Stofur 30-31 Inni kvk
ÍBU Stofa 17 Inni kvk
KA Stofa 20 inni kvk
Keflavík Stofur 21 Inni kvk
KFR Gista ekki Inni KVK
Njarðvík Stofa 18 Inni kvk
Reynir/Víðir Stofa 32 Úti  kvk
Selfoss Gista ekki Úti kvk
Sindri/Neisti Stofa 19 Úti kvk
Valur Stofur 25-26 Úti kk
Þór Stofur 23-24 Úti kk

 

Next »